轉貼於寵物論坦
其實要教好狗仔去廁所一d都唔難,只係主人欠缺個方法,即使將來打算每日放狗上街如廁,在幼犬時間因未打齊針,o係屋企亦好需要好好咁教導一番!因我之前在屋企教d莎bb,約一個月開始識企佢地就識去狗廁所了...
所以想同大家分享吓,討論吓!!!

1,首先,要知佢幾時係需要去廁所
特別係幼犬,每當瞓醒,食飽,開心都好容易急,而且年紀越細的狗,膀胱越細,小便次數會比成犬較密!
2,佢點解唔去狗廁所?
咁要隻狗首先知道點解佢要去狗廁所,佢係狗,唔會明白佢賴尿對你有幾煩的,因為拖地o個個唔係佢!
a.要俾隻狗知道佢去狗廁所o既好處,可以每次佢去狗廁如廁正確後,俾佢小食及以開心的聲線佢讚佢(狗係以你的語氣去認,即使你笑笑口同佢講粗口佢都會搖頭擺尾的!)
b.賞罰最好可以在"動作"完成後五秒內給予,過左氣佢只會覺得無神神有野食!!
c.一日未學成,都唔會鬧佢賴尿,不知者不罪ma,唔係叫主人學習大方,而係萬一賴左尿,而被責罵,
佢地未必會明白你鬧佢的真正意思,佢唔明你鬧佢意思係"痾錯地方",佢會誤以為"哦...
主人唔鍾意我痾尿!"最常見係因為狗仔已經有咁o既思想,佢唔知被鬧原因,佢會盡量忍,
佢亦會避免o係你視線範圍大大小小,即係d主人話自己明明都望到佢實,但每次一行轉背佢就賴尿,
跟住自己躲起來,個樣好似知自己做錯左咁!
d.狗亦算一種鍾意乾淨o既動物,佢地正常係唔會o係瞓覺的地方如廁的,瞓覺的地方係佢個竇,
所以過份困籠的話,其實係百害而無一利的,如果令佢大部份時間o係個籠,係間接令佢認定個籠係佢個竇,
佢會唔願意o係個竇如廁,即係有時主人會話,困左佢成晚都唔痾,一放出來就又屎又尿!!
而且要佢地長期4隻腳都踩住唔平的地方,對隻腳會有問題的,可以留意petshop內,
好多都會加左豬仔板俾佢地企的!

<方法一>
~~~1.對新成員~~~
佢地新嚟新豬肉,未有任何壞習慣,我會先俾佢知佢個竇係邊度,可以係一個細細手提箱
(空間越大反而令佢欠缺安全感),我會大部份時間困佢入去,入面要舒適,天氣凍要夠暖,氣熱要夠通風,
令佢覺得入面係安全同舒服!
每隔一段時間我會抱佢出嚟(唔會放佢周屋走),抱佢上狗廁,一定要望實佢,三秒都唔可以離開,
等到佢痾左為止,佢一痾左我會有小食俾佢讚佢,即時放佢周屋行,同佢玩,玩到咁上下,就入番手提箱,
等下一次如廁時間再來一次!
但萬一佢唔肯上狗廁,咁都盡量等,等得太耐佢都唔去,咁唔洗有任何反應俾佢,只係平常語氣困番入手提箱就可以,再隔一陣先再來!!
學習開頭一至兩星期,做主人要辛苦d,因佢地可能半夜三更都會急尿,因為bb膀胱細,會辛苦一兩星期,
打後會學得好快!
以史納莎來計,新成員唔需要一星期就可以學會了,但學識左都要keep住有獎賞,
同埋唔可以一吓子俾太大自由活動空間!

~~~2,對舊成員~~~
佢地可能俾主人某d行為誤導左,所以教佢要更加有耐性先得啊!
方法同以上差不多,但教o既時間可能會較長,我以前其中兩隻莎由細習慣左一急就自己入狗籠,
都識左成年幾了,但因為後期我屋企轉晒4隻狗都用狗廁,咁佢地要兩三星期先學識,
當然頭兩星期我每三個鐘我就要教一教佢地了!!

<方法二>
如果屋企地方許可的話,其實可以買一個圍欄,(可以摺合的,價錢我見過賣一百七十幾蚊),
當小狗大約掌握到上狗廁如廁,但又未識得玩玩吓會自己跑番去狗廁所痾大大小小時,
其實可以用一個圍欄,先放個狗廁入去,圍欄個空間可自己調較,除狗廁外,
留小小空間俾佢,開頭可能在圍欄內除狗廁所就只有一兩個階磚空間俾佢,
如果佢無痾錯,咁慢慢可將圍欄內的自由空間調較大,兩個階磚變三個,變四個,但唔可以加得太急,
咁佢地都會好快學識同習慣的!

謝謝提供～
可是香港的字看起來有點難懂呢