|
引用 | 編輯
ufo7788
2005-10-01 13:38 |
樓主
▼ |
||
x0
其他模型高手也可在這裡分享製作心得! 1: 買模型 現今大多數模型舖都有售田宮(雙星)、青島(aoshima),富士美(fujimi),長谷川, 的模型。 當中質素高的是田宮, 其次是青島! 比較差的是富士美... 價格普遍田宮較平, 青島比較貴一點... 而富士美就有平有貴, 但勝在多款式選擇! 如想買一盒易砌模型, 車的有田宮的IMPREZA WRX GDB, Honda FIT; 買的時候, 模型舖職員會check清楚齊唔齊件, 當然你也要check清楚, 因為冇左d parts 係冇得補購的!(香港only…) 2: 買完後 買左番黎, 當然好開心去打開它, 看看說明書吧! 噢, 好像有好野要買啊!!! 例如油筆, 剪鉗, 膠水, 等等... 你只要買: 油, 油筆, 剪鉗, 膠水, 沙紙, 夾鉗, 剪刀, “介”刀… 如果你唔在意內籠的顏色的話, 只需幾隻就可以了! 雙星常用顏色: X11 – Silver (銀 – 油brake碟, 尾喉) X26 - Clear Orange(透明橙 – 指揮燈) X27 - Clear RED (透明紅 – 尾煞車燈) XF1 - Flat Black (啞黑, for內籠) XF16 - Flat Aluminum (鋁銀) TS29 - Semi-Gloss Black (半光澤黑, for內籠, 常用) 3. 開始工作 開始喇, 首先, 你可以跟說明書砌, 唔想跟可以自己想砌邊就砌邊… 不過都要跟住說明書既步驟! 唔好唔睇, 因為你可能會砌錯….XD 依家講既係外殼處理; 首先你可以用肉眼睇下有冇模線, 睇唔到就用Mr. Surface 1000 去check下! 睇到就用沙紙磨走佢啦….600>800>1200>2000! 磨完再check, 真係冇哂既, 可以洗一洗殼, 乾左後才上底灰!!! (如果就咁用布/紙巾DRY左都未必冇水…..我死過幾次XD) 底灰既重要性好大, 如果係唔上底灰, 有可能油層食唔實個面, 會甩油… 由其是Fujimi既車殼, 大家小心!! 仲有既係, 底灰可以cover parts 原有顏色….. 所以實用性都幾大!! 3. 噴油 當大家上完底灰, 就可能會煩惱, 點先可以噴到E仔咁靚呢???XDD 我就教唔到大家喇, 不過可以參考下田宮既教學!!! http://www.tamiya.com/english/scale/beginner2/2.htm 有埋片睇, 我都學到野ga!! 幾實用~ 4. 上水貼 上完色, 上埋光油喇, 點水貼點算?!?!?!? 唔緊要, 田宮教埋你! http://www.tamiya.com/english/scale/beginner2/3.htm 5. 噴完光油後. . . 噴完光油, 大約等3-4日, d光油都差唔多乾哂ga喇~~ 睇天氣而定... 咁就可以開始研磨階段喇! 有人問: 用沙紙唔會整花個殼咩!? 其實磨完個段之後仲要用磨光膏(COMPOUND)再捽佢... 雙星新出左3支唔同粗幼度既磨光膏, 本人試過, 效果幾好~~ 不過價錢貴左dd... 捽完之後, 上埋modeling wax, 包你個殼令到照到鏡呀~~(視乎你磨成點XD) 寫住咁多先, 遲d再寫and會加相! 希望能解大家燃眉之急!! 如果有技術分享, 無任歡迎! Useful Link: 雙星噴罐Color Chart 雙星手油color chart 田宮官方網頁 青島官方網頁 富士美官方網頁 BanDai Product List MR. COLOR 罐裝噴油: 1-129 號 151-204 號 A1-A24 號 MR. COLOR 油性 樽裝油: 1-40 號 41-80 號 90-136 號 MR. COLOR 水性 樽裝油: 1-50 號 51-100 號 MR. COLOR 超金屬 樽裝油: 211-219 號 MR. COLOR 汽車用 樽裝油: 151-207 號 MR. COLOR 飛機/戰機用 樽裝油: 301-340 號 MR. COLOR thinner/底灰/光油/膠水/水貼劑...etc : thinner, 底灰 光油, 膠水, 水貼劑 及 其他用具 MR. COLOR gundam用筆: 油性, 水性, 塗装用  x0
|
|||
|
引用 | 編輯
hawks_huang
2005-10-08 19:07 |
1樓
▲ ▼ |
|
這裡是「紙模型專區討論板」
..... 這發錯區了 不過數位男女也沒有一般模型討論板 x0
|
|
|
引用 | 編輯
dknydknyex
2005-12-24 14:42 |
3樓
▲ ▼ |
|
謝謝分享
使我的模型經驗又更上一成樓了 x0
|
|