有一間厝,討賬的真多,
椅仔咯,椅條咯,攏坐到滿滿.

尚更有一個坐在戶碇裡,
主人就偷去與伊講:
"請汝明仔早起,較早來[一下]."

彼個討賬的就自己想:
"這得確是明仔早起,
主人要預先還我的賬."

心肝內真歡喜,
伊就大聲喝:
"此間厝真正無錢了,
咱大家返來去[口荷]."

及到第二早起,真早,
彼個人就先去,
叫主人還伊的錢.

主人就講:
"我不是想要還汝的錢,
因為汝昨昏在彼戶碇坐,
我心肝內過沒得去,
所以即請汝今仔日較早淡薄仔來,
可預先佔一塊椅去坐,
我想如此,就[伊心]大家若來,
亦是免驚汝又無位可坐,
即如此講的."

彼個討賬的聽見此號話,
氣到半小死,
沿路行,沿路肏撠此個主人回去.