人肉分家


时间：去年圣诞节‧地点：元朗朋友家‧人物：阿芬

人o地可能觉得我坏，但系我有自己o既生活方式。我读中三，不过已经半年冇返学，阿妈都唔理得我咁多。有时我又怕佢烦，所以成日去朋友屋企度住。佢住元朗，屋企人成日返大陆做生意，都唔多返o黎，所以间屋成日得我两个。我成日研究扮靓心得。

呢件事发生o系去年圣诞节，我谂住搵班朋友返o黎开化装舞会。顺便识男仔，因为有人会带佢男友o既朋友，大家玩一晚，好易拍拖。

晚大约系下午五点几，我冲凉，由于怕冻，所以关上窗，不过冲凉时已经见到窗口有黑影走过，我即刻谂起变态佬，就大声叫死党出门口睇有冇人。佢去o左好耐，我已经着返衫走出o黎。不过我都冇为意佢有冇返入o黎。

我坐o系佢阿妈张化妆前，准备化妆，但系化化竟然见到镜入便，即系我后面，出现一个背影。个背影系我自己，同我着埋同一件衫，我好惊，唔敢叫。心入便即刻念经，但系又谂日光日白，可能系自己眼花，所以我开始叫死党个名。

我叫o左几声，佢走入o黎，但系竟然系同我个背影讲o野，我吓到脚都震，尽力大叫，又用张被盖头，冇耐死党同我讲：「你做乜？」我隔o左好耐先敢拉开张被。同佢讲正话见到o既o野，佢最初唔信（因为我成日扮鬼吓人），后来见我惊到脸都青，即刻叫我收口唔好讲。

晚，成班朋友玩，我唔敢走开一步。亦唔敢入厕所，到天光，我同死党讲话要返屋企，佢话：『你走我同你一齐走。』上到巴士佢先同我讲：「其实我细个时都见过自己o系自己身后行过。」

李终贵按：你o既事迹好神奇，到底你见到o既系人定系灵魂？如果你见到系灵魂，点解你同朋友都可以灵魂离开肉身？如果你见到系人，仲恐怖，咁写信o黎o既人，到底系人定系鬼？